Tuesday, July 07, 2020
Home > राष्ट्रिय समाचार > हिउँदे अधिवेशन छिट्टै बोलाउने सरकारको तयारी

हिउँदे अधिवेशन छिट्टै बोलाउने सरकारको तयारी

काठमाडौ, ११ मंसिर । सरकारले हिउँदे अधिवेशन छिट्टै बोलाउने तयारी गरेको छ ।

कानुन, न्याय तथा संसदीय मामिला मन्त्री भानुभक्त ढकालले हिउँदे अधिवेशन छिट्टै बोलाउन लागिएको जानकारी दिनु भएको हो । आज संघीय संसद राष्ट्रियसभा अन्तरगतको विधायन व्यवस्थापन समितिले काठमाडौंमा आयोजना गरेको ‘ऐन कार्यान्वयन मापन तथा अध्ययन अनुसन्धान’ सम्बन्धि एक दिने गोष्ठीमा बोल्दै उहाँले हिउँदे अधिवेशनमा संविधानसँग बाँझिएका कानुन संशोधनको कामलाई अघि बढाउने गरी गृहकार्य भईरहेको पनि स्पष्ट पार्नु भयो । मन्त्री ढकालले संसदको आगामी हिउँदे अधिवेशनमा साझा सूचि र शान्ति प्रक्रियासँग सम्बन्धित कानुन निर्माणको कामलाई प्राथमिकतामा राखिएको पनि बताउनु भयो । मन्त्री ढकालले संविधान संशोधनलाई सहज बनाउन समितिले आयोजना गरेको सो गोष्ठी फलदायी हुने विश्वास पनि व्यक्त गर्नुभयो । कार्यक्रम महान्यायाधिवक्ता अग्नी खरेलले कानुन निर्माणसँग सम्बन्धित निकायहरुको काम, कर्तव्य र अधिकारबारे चर्चा गर्नु भएको थियो ।

Leave a Reply

Your email address will not be published. Required fields are marked *