Wednesday, May 27, 2020
Home > राष्ट्रिय समाचार > विराटनगरमा अन्तर्राष्ट्रियस्तरको वर्डप्रेस सम्मेलनको तयारी

विराटनगरमा अन्तर्राष्ट्रियस्तरको वर्डप्रेस सम्मेलनको तयारी

विराटनगर, ४ पुष । प्रविधिको प्रयोग विस्तार गर्ने उद्देश्यले विराटनगरमा अन्तर्राष्ट्रियस्तरको एकदिने वर्डप्रेस सम्मेलन हुने भएको छ ।

आयोजक समितिले आज पत्रकार सम्मेलन गरी यही पुस ७ गते सम्मेलन हुने जानकारी गराएको हो । संसारको सबैभन्दा प्रख्यात वेबसाइट बनाउने वर्डप्रेस सम्मेलनमा प्रविधिसम्बन्धी चर्चा र प्रशिक्षणलगायतका कार्यक्रम हुने जनाइएको छ । पत्रकार सम्मेलनमा सो बिषयमा जानकारी गराउनुहुंदै कार्यक्रम संयोजक गंगा काफ्लेले प्रबिधिसम्बन्धी महामेलाका रुपमा लिइने कार्यक्रम काठमाडौं बाहिर दोश्रो पटक हुन लागेको बताउनुभयो । उहाँले सम्मेलनमा विश्वभरिका २२ बढी देशका आइटीसम्बन्धी विज्ञको सहभागिता हुने जानकारी दिनुभयो । आइटी विज्ञ एवम आयोजक समितिका सदस्य पर्वतराज झाले कार्यक्रम आयोजनाले विराटनगरलाई प्रविधिमार्फत विश्वसामु चिनाउनुका साथै प्रविधिमा लगानी गर्ने वातावरणको विकास हुने बताउनुभयो । चारसय बढीको सहभागिता रहने कार्यक्रम विश्वस्तरीय हुने आयोजक समितिले जनाएको छ । कार्यक्रममा एकदर्जन बढी देशबाट आउने विज्ञहरुले वर्डप्रेससम्बन्धी कार्यपत्र प्रस्तुत गर्ने तालिका छ । यस्तै सामाजिक कार्य गरिरहेका विभिन्न संस्थाहरुको वेबसाइट बनाएर निःशुल्क हस्तान्तरण गर्ने र प्रदेश एकमा संचालन भइरहेका विभिन्न स्टार्ट अप कम्पनीहरुको सामूहिक उद्घाटन कार्यक्रमसमेत हुने जनाइएको छ । कार्यक्रममा जेटप्याक, बुकमर्स, ब्लुहोस्ट, गोड्याडी, सफ्टवेरीका कलेज, पाइला टेक्नोलोजिजसहित रारा थिम लगायतको सहभागिता रहने छ ।

Leave a Reply

Your email address will not be published. Required fields are marked *