Saturday, March 23, 2019
Home > अन्तराष्ट्रिय समाचार > इन्धनको पाइपलाइनमा भएको बिस्फोटमा परि मृत्यु हुनेको संख्या ७१ पुग्यो

इन्धनको पाइपलाइनमा भएको बिस्फोटमा परि मृत्यु हुनेको संख्या ७१ पुग्यो

मेक्सिकोमा इन्धनको पाइपलाइनमा भएको बिस्फोटमा परि मृत्यु हुनेको संख्या ७१ पुगेको छ । हाइडाल्गो राज्यमा भएको दुर्घटनामा अन्य कयौं घाइते भएका छन् । राज्यका प्रशासन प्रमुख ओमार फायरले घाइतेमध्ये केहीको अवस्था गम्भीर रहेको बताएको अन्तर्राष्ट्रिय सञ्चारमाध्यममा उल्लेख छ । हेडाल्गो राज्यको सान प्रिमिटिभो क्षेत्रमा एउटा पाइपलाइन छेडेर तेल चोर्ने प्रयास गरिंदा विस्फोट भएको अधिकारीहरुले जनाएका छन् । मेक्सिकोका राष्ट्रपति आन्द्रियाज म्यानुएल लोपेज ओब्राडोरले घटनाप्रति दुःख व्यक्त गर्नुभएको छ । राष्ट्रपति ओब्राडोरले तेल चोरी नियन्त्रण गर्न कडा कदम चालेपछि तस्करी केही नियन्त्रणमा आएको छ । यसैको प्रभावस्वरुप केही राज्यका पेट्रोल पम्पहरुमा तेल अभाव देखिएको छ । तस्करहरुको समूहले राज्य नियन्त्रित पेट्रोलियम पाईपलाईन ड्रिल गरेर चोरी गर्न खोज्दा पछिल्लो दुर्घटना भएको हो । मेक्सिकोमा गतवर्ष पाइपलाइनबाट तेल चोरी गर्दा राज्यले तीन अर्ब अमेरिकी डलर बराबरको तेल गुमाएको थियो ।

Leave a Reply

Your email address will not be published. Required fields are marked *