Saturday, August 08, 2020
Home > Uncategorized > सांसद मोहम्मद आफताब आलमसँगको बयान भोलिपनि जारी रहने

सांसद मोहम्मद आफताब आलमसँगको बयान भोलिपनि जारी रहने

१२ वर्षअघि रौतहटको राजपुर फरदहवामा भएको बमकाण्डमा संलग्न रहेको अभियोगमा पक्राउ परेका कांग्रेस नेता एवं निलम्बित सांसद मोहम्मद आफताब आलमसँगको बयान भोलिपनि जारी रहने भएको छ ।
सिजी रोल…
आलममाथि कर्तव्य ज्यान, ज्यानमार्ने उद्योग र विस्फोटक पदार्थ भण्डारणको अभियोग लगाएर जन्मकैद सहित जिल्ला सरकारी वकिलको कार्यालयले हिजो अभियोग पत्र दर्ता गराए पछि बयानका लागि आज अदालत लगिएको हो । प्राविधक कारणले बयानमा ढिला भएकाले बुधबार बयान सकेर थुनछेक बहस हुने जिल्ला न्यायधिवक्ता खडिन्द्रराज कटवालले बताउनुभयो । स्रोतका अनुसार आलमले अदालतमा समेत इन्कारी बयान दिएका छन । उनले घटना नै नभएको जिकिर गर्दै आएका छन । आलमलाई अदालत लगिँदा बाहिर उनका समर्थकको भीड लागेको थियो । जिल्ला प्रहरीले सदरमुकाम गौरको सुरक्षा व्यवस्था कडा पारेको थियो । संविधानसभा निर्वाचनको अघिल्लो दिन २०६४ चैत २७ गते राजपुर फरदहवामा भएको बम विस्फोटको घटनामा आलमविरुद्ध तीनवटा कसुरमा प्रहरीले अनुसन्धान सकेर सरकारी वकिलको कार्यालयमा गएको शुक्रबार मिसिल बुझाएको थियो । बम विस्फोटमा परी त्रिलोकप्रताप सिंह र ओसी अख्तरलाई घाइते अवस्थामा लगेर जिउँदै चिम्नी भट्टामा हालेर मारेको आरोपमा आलम, उनका भाई महताब आलम लगायत ११ जनालाई प्रतिवादी बनाइएको छ । घटनामा देखे सुनेकाहरुले प्रहरी समक्ष बयान दिइसकेका छन ।

Leave a Reply

Your email address will not be published. Required fields are marked *