Saturday, August 08, 2020
Home > राष्ट्रिय समाचार > तेहोरो कर खारेजीको माग गर्दै सामुदायिक वन उपभोक्ता समूहहरुको प्रदर्शन

तेहोरो कर खारेजीको माग गर्दै सामुदायिक वन उपभोक्ता समूहहरुको प्रदर्शन

तेहोरो कर खारेजीको मागगर्दै सामुदायिक वन उपभोक्ता समूहहरुले विराटनगरमा बिरोध प्रदर्शन गरेका छन ।

सामुदायिक बन उपभोक्ता महासंघ नेपाल,प्रदेश एकको आयोजनामा गरिएको प्रर्दशनमा प्रदेशभरिका बन उपभोक्ता समूहहरुको सहभागिता थियो । स्थानीय शनिहाटमा जम्मा भएका प्रदेशभरिका उपभोक्ता समूहका पदाधिकारी तथा सदस्यहरुले त्यहाँबाट विरोध र्याली निकालेका थिए । प्लेकार्ड र ब्यानरसहित निकालिएको र्याली शहिद रंगशाला,हस्पीटलचोकको परिक्रमागर्दै बुधहाटमा गएर बिरोधसभामा परिणत भएको थियो । बिरोध सभामा महासंघका मोरङ अध्यक्ष रामकृष्ण राईले सरकारले सामुदायिक बन माथि तेहरो कर लगाएर किर्तिमान कायम गर्न नहुने विचार ब्यक्त गर्नुभयो । महासंघका राष्ट्रिय सदस्य भरतबहादुर थापाले समुदायमा हस्तान्तरण भएपछि बन क्षेत्र ३९ प्रतिशतबाट ४४ प्रतिशतमा बृद्धि भएको बताउनुभयो । संघ,प्रदेश र स्थानीय तहले लगाएको सबै कर जोड्दा ७० प्रतिशत बढी हुने बताउदै उनीहरुले अवैज्ञानिक र अब्यवहारिक कर मान्य नहुने बताएका छन ।

कार्यक्रममा नेपाल कम्युनिष्ट पार्टी नेकपाका मोरङ सचिव गणेश उप्रतीले सरकारले संकलनगर्ने कर ब्यवस्थित र वैज्ञानिक हुनुपर्ने बताउनुभयो । उहाँले प्रदेश १ का आर्थिक मामिला तथा योजना मन्त्री इन्द्रबहादुर आङबो वार्ता,सम्बाद र सहमतिको माध्यमबाट समस्या समाधान गर्न तयार रहेको आफूले पाएको जानकारी दिनुभयो । बन समूहहरुले बन ऐन अनुसार १५ प्रतिशत कर बुझाउदै आएपनि पछिल्लो समय प्रदेश र स्थानीय तहहरुले आ–आफ्नो तरिकाले कर निर्धारण गरेका कारण सामुदायिक बन धराशायी हुने अवस्थामा पुगेको बन उपभोक्ता महासंघले जनाएको छ । तेहरो कर खारेजी नगरिए राष्ट्रब्यापी आन्दोलन चर्काउने उनीहरुले चेतावनी समेत दिएका छन ।

Leave a Reply

Your email address will not be published. Required fields are marked *