Thursday, September 24, 2020
Home > मुख्य समाचार > राउण्ड टेबल नेपालले मोरङको टंकिसिनवरीस्थित एक विद्यालयलाई स्वास्थ्य सामग्री हस्तान्तरण

राउण्ड टेबल नेपालले मोरङको टंकिसिनवरीस्थित एक विद्यालयलाई स्वास्थ्य सामग्री हस्तान्तरण

मोरङ १८ भाद्र
राउण्ड टेबल नेपालले मोरङको टंकिसिनवरीस्थित एक विद्यालयलाई स्वास्थ्य सामग्री हस्तान्तरण गरेको छ ।
कोभिड–१९ को महामारीको जोखिमबाट जोगिन राउण्ड टेबलले आज एक कार्यक्रमको आयोजना गरी मोरङको बूढीगंगा गाउँपालिका वडा नम्बर २ स्थित लोटस सार्वजनिक विद्यालयलाई फेस मास्क, सेनिटाइजर हस्तान्तरण गरेको हो । राउण्ड टेवलले कार्यक्रममा २ हजार थान फेस मास्क, एक सय एमएलको ४ सय बोतल सेनिटाइजर विद्यालय व्यवस्थापन समितिलाई प्रदान गरेको छ । हस्तान्तरण गरिएको स्वास्थ्य सामग्रीहरु विद्यालयमार्फत ४ सयभन्दा बढी घरपरिवारका विद्यार्थी, अभिभावकले पाउने राउण्ड टेबल नेपालले जनाएको छ । कार्यक्रममा विद्यालय सञ्चालक समितिका अनुप देव जस्तोसुकै समस्या पर्दा पनि राउण्ड टेवल नेपाललाई आफूहरुले सम्झिने गरेको बताउनुभयो । उहाँले राउण्ड टेवललाई समस्या राख्दा तत्कालै सहयोग प्राप्त हुने गरेको उल्लेख गर्नुभयो । विद्यालयलाई विगतदेखि नै राउण्ड टेवलले सहयोग गर्दै आएको भन्दै उहाँले आगामी दिनमा पनि सहयोगको अपेक्षा राखेको बताउनुभयो । त्यस्तै राउण्ड टेवल नेपालका एरिया टु को–अर्डिनेटर सन्नी अग्रवालले कोरोना महामारीले निम्त्याएको संकटको सामना सबै मिलेर गर्नुपर्नेमा जोड दिनुभयो । अग्रवालले सबैको सहकार्य र एकताले मात्रै कोरोनाविरुद्धको लडाइँ जित्न सकिने बताउनुभयो । उहाँले अहिलेको संकटको बेला आफूले सकेको सहयोग गर्न अन्य संघसंस्थालाई समेत आग्रह गर्नुभयो । कार्यक्रममा टेबलरहरु विकास गोयल, हरिवंश राठी, सौरभ गोल्छा, दिवस सुवेदी, पवन पारख, महेश शर्मा, अजय राठीलगायतको उपस्थिति रहेको थियो । राउण्ड टेवल नेपालले विगतमा पनि २ सयभन्दा बढी विद्यार्थीलाई विद्यालय पोशाक, शैक्षिक सामग्री प्रदान गरेको थियो । राउण्ड टेवलले मुलुकका अन्य क्षेत्रमा समेत सामाजिक कार्य गर्दै आएको छ ।

Leave a Reply

Your email address will not be published. Required fields are marked *