Sunday, September 27, 2020
Home > खेलकुद समाचार > नेपाल ओलम्पिक कमिटिका महासचिव निलेन्द्र राज श्रेष्ठ कोरोना मुक्त

नेपाल ओलम्पिक कमिटिका महासचिव निलेन्द्र राज श्रेष्ठ कोरोना मुक्त

काठमाण्डौ २३ भाद्र
नेपाल ओलम्पिक कमिटि (एनओसी)का महासचिव निलेन्द्र राज श्रेष्ठ कोरोना मुक्त हुनु भएको छ ।
भदौको पहिलो साता गरिएको कोरोना परिक्षणमा श्रेष्ठको रिपोर्ट पोजेटिभ आएको थियो । कोरोना पोजेटिभ देखिएपछि श्रेष्ठ एकान्तवासमा बस्नु भएको थियो । श्रेष्ठले हिजो प्राप्त गरेको रिपोर्ट अनुसार उहाँको रिपोर्ट नेगेटिभ आएको छ । उहाँले कोरोनाबाट सजक हुनुपर्ने बताउँदै संक्रमित हुँदैमा आत्तिन नहुने बताउनुभयो । साउन मसान्तमा ओलम्पिक कमिटिका दुई जना कर्मचारीमा संक्रमण देखिएपछि सम्पूर्ण पदाधिकारीले भदौको पहिलो साता कोरोना भाइरसको परिक्षण गराएका थिए । राखेपले साउनको अन्तिम साता परिषद् सहित विभिन्न खेलाडी तथा एनओसीका कर्मचारीको कोरोना परिक्षणको ब्यवस्था मिलाएको थियो । महासचिव श्रेष्ठ सहित सम्पूर्ण कर्मचारीको कोरोना रिपोर्ट नेगेटिभ आएको एनओसीले जनाएको छ । कोरोनाबाट कर्मचारी र पदाधिकारीनै प्रभावित बनेपछि एनओसीले ओलम्पिक खेलेका सम्पूर्ण खेलाडीको कोरोना बिमा गर्ने निर्णय गरेको छ ।

Leave a Reply

Your email address will not be published. Required fields are marked *