Sunday, September 27, 2020
Home > आर्थिक समाचार > मोरङको कटहरीस्थित फलफूल तथा तरकारी थोक बजार थप विवादित, भवनको दुरुपयोग भएको भन्दै स्थानीयद्वारा  तालाबन्दी

मोरङको कटहरीस्थित फलफूल तथा तरकारी थोक बजार थप विवादित, भवनको दुरुपयोग भएको भन्दै स्थानीयद्वारा  तालाबन्दी

मोरङ २४ भाद्र
मोरङको कटहरी गाँउपालिकास्थित फलफूल तथा तरकारी थोक बजारमा तालाबन्दी भएको छ । भवनको दुरुपयोग भएको र सरोकारवालाई बाईपास गरिएको भन्दै स्थानियले कृषि बजारमा तालाबन्दी गरेका हुन ।
कटहरी फलफूल तथा तरकारी थोक बजारमा मंगलबार बिहानै स्थानिय जनप्रतिनिधि र सर्वसाधारणले तालाबन्दी गरेका हुन । उनिहरुले बजारको प्रशासकिय भवन सहित मुलगेटमा तालाबन्दीगरि साँचो नियन्त्रणमा लिएका छन । गाँउपालिका प्रमुख रामकुमार कामत,नेपाली काँग्रेसका नेता भक्तीनाथ माझी,कटहरी–१ का वडाध्यक्ष कपुरलाल माझी र भवन निर्माण उपभोक्ता समितिका अध्यक्ष हरीनारायण माझीसहितका तीन दर्जन बढी स्थानियवासीले बजार भवनमा तालबन्दी गरेका हुन । सरोकारवाला पक्षलाई बाईपासगरि भवन प्रयोगमा ल्याइएको उनिहरुको आरोप छ । बजारको प्रशासकिय भवन कार्यालय संचालनकानिम्ति निर्माण गरिएको भएनि ती कोठाहरुमा बिदेशबाट आयात गरिएको आलुप्याज र लसुन भण्डारण गरिएको अतिरिक्त पंखाहरु जडान गरेर चौबिसै घन्टा बिद्युतको दुरुपयोग गरिएको समेत स्थानियको आरोप छ । भवन निर्माण उपभोक्ता समितिका अध्यक्ष हरीनारायण माझीले निर्माण गरिएको उद्धेश्य विपरीत भवन प्रयोगमा ल्याइएको र जग्गादाता पक्षसहित सरोकारवालाई बाईपास गरिएका कारण तालाबन्दी गरिएको दाबी गर्नुभयो ।
तालाबन्दी पछि स्थानियले वडाध्यक्ष कपुरलाल माझीलाई भवनको साँचो जिम्मा लगाएका छन । प्रदेश सरकारले निर्माणताकाको सहमति र सम्झौताविपरीत एकतर्फीरुपमा बजार सञ्चालन गर्न खोजेको भन्दै जनप्रतिनिधि र स्थानीयले यसअघि देखीनै बिरोध गर्दै आएका छन । प्रदेश–१ सरकारको भूमि ब्यवस्था, कृषि तथा सहकारी मन्त्रालयले बजार व्यवस्थापन तथा सञ्चालनका लागि भन्दै गएको साउन २६ गते गोरखापत्रमा सूचना प्रकाशित गरी प्रस्ताव आव्हान गरेपछि सम्बन्धित स्थानिय विरोधमा उत्रिएका हुन् । मन्त्रालयले प्रस्ताव आव्हानगर्दा एकतर्फीरुपमा आव्हान गरेको तथा बजार संचालन नियमावली निर्माणगर्दा समेत सम्बन्धित पक्षहरुलाई उपेक्षा गरेको असन्तुष्ट पक्षको दाबी छ । कटहरी गाँउपालिकाका अध्यक्ष रामकुमार कामतले स्थानिय वडा कार्यालय,गाँउपालिका, जग्गादाता विद्यालय तथा निर्माणमा योगदान दिएकालाई समेत संचालन प्रकृयामा सहभागि नगराएसम्म बजार संचालन गर्न दिन नसकिने बताउनुभयो । गाँउपालिका आफैले स्थानिय संचालन ऐन अनुसार बजार संचालनगर्न तयार रहेको उहाँको भनाई छ ।
यसअघि भदौ ११ मा समेत गाँउपालिका तथा असन्तृष्ट पक्षले पत्रकार सम्मेलन गरि विरोध जनाएका थिए । सम्बन्धित मन्त्रालयलयले भने सबैलाई समेटेर प्रदेश सरकारले जारी गरेको नयाँ नियमावली–२०७७ अनुसार संचालन प्रकृया अघि बढाइएको जनाईसकेको छ ।

Leave a Reply

Your email address will not be published. Required fields are marked *