Sunday, September 27, 2020
Home > आर्थिक समाचार > लकडाउनका कारण केरा बिक्री गर्न नपाएपछि बाराका किसान समस्यामा, करोडौं मूल्य बराबरको केरा बगानमा कुहिँदै

लकडाउनका कारण केरा बिक्री गर्न नपाएपछि बाराका किसान समस्यामा, करोडौं मूल्य बराबरको केरा बगानमा कुहिँदै

बारा ३१ भाद्र
कोरोना प्रभावपछि जारी लकडाउन र निषेधाज्ञाका कारण बाराका केरा किसान समस्यामा परेका छन् । गत चैत ११ गतेदेखि चलेको लकडाउन र स्थानीय प्रशासनले घोषणा गरेको निषेधाज्ञाका कारण केरा उत्पादक किसान समस्यामा परेका हुन् । कोरोनाले अन्य क्षेत्र जस्तै कृषिलाई पनि बढी असर गरेका बेला केरा उत्पादक किसानहरु समस्यामा परेका हुन् । देश लकडाउनमा परेपछि बाराका केरा किसानका केरा बारीमै कुहिन थालेका छन् । किसानको उत्पादन भएको केरा बजारमा जान नपाएपछि बारीमै सड्न थालेको हो । गत चैतदेखि नै स्थानीय उत्पादनको आपेक्षकृत रुपमा बजारीकरण हुन सकेको छैन । कहिले सवारी साधनमा जोर बिजोर प्रणली लागू हुने गरेको छ, त कहिले खानेकुराबाट कोरोनाको संक्रमण फैलिन्छ भन्ने हल्लाका कारण स्थानीय उत्पादनले बजार नपाएको हो । केरा खेतीबाट मनग्य आम्दानी गर्ने आशमा लगानी गरेका बारा निजगढका केरा उत्पादक किसान अहिले निराश बनेका छन् । केरा व्लकबाट बिकसित हुँदै केरा जोनमा आई पुग्न लागेको बाराको निजगढ नगरपालिकाका केरा व्यवसायीका केरा खेतबारीमै कुहिन थालेको छ । खेतबारीबाटै प्रति कोसा ५ रूपैयाँमा बिक्री हुँदै आएको केरा बिगत लामो समयदेखि चलेको लगडाउनले प्रतिकोसा १ रुपियाँ पनि मुल्य नपाएपछि केरा खेतबारीमै कुहिन थालेको हो । नगदे बाली उखु खेति गर्दै आएका बाराका किसानलाई चिनी मीलहरुले समयमा भुक्तानी नदिएपछि पछिल्लो समय पेशा परिवर्तन गर्दै केरा खेतितर्फ आकर्षित हुँदै आएका थिए । निजगढ नगरपालिकाभित्र मात्रै करिब १२ सय बिघाभन्दा बढी क्षेत्रफलमा किसानहरुले व्यावसायिक रूपमा केरा खेती गर्दै आएका छन् । प्रति बिघा दुईदेखि तीन लाखसम्म मुनाफा लिदै आएका किसानहरुले केराको मूल्य नपाएपछि वस्तु भाउलाई खुवाउन थालेका छन् । निजगढ नगरपालिका वडा नं.९ की लक्ष्मी खरेलले मुल्य नपाएपछि गाईवस्तुलाई केरा खुवाउन थालेको बताउनुभयो । अघिल्ला वर्षमा यो सिजन केराबारी वरपर गाडीका लाइन लाग्थे, अहिले भने सुनसान छ । यही हिउँद र वर्षामा आएको हावाहुरीको नोक्सानी र लामो समयको लगडाउनले निम्त्याएको यो महामारीले निजगढका केरा व्यवसायी उठ्न नसक्ने अवस्थामा पुगेका छन् । केराले मूल्य नपाएपछि व्यवसायीका केरा खेतबारीमै कुहिएका छन् भने केहिले आफ्ना बस्तु भाउलाई खुवाउने गरेको अर्का किसान बद्रीप्रसाद चिमरियाले बताउनुभयो । यता निजगढ नगरपालिकाले बिभिन्न कारणले निम्त्याएको यो बिपतबाट किसानहरुको मनोवल गिर्न नदिनका लागि प्रदेश, केन्द्र सरकारसँग राहतका निम्ति पहल गर्ने निजगढ नगरपालिकाले जनाएको छ ।
यता निजगढ नगरपालिका केरा व्लकबाट बिकसित हुँदै केरा जोनको रुपमा स्थापित यस नगरपालिकाभित्र मात्रै करिब १२ सय बिघाभन्दा बढी क्षेत्रफलमा यहाँका किसानहरुले व्यावसायिक रूपमा केराखेती गर्दै आएका छन् । प्रतिबिघा दुईदेखि तीन लाखसम्म मुनाफा लिदै आएका किसानहरुले केराको मुल्य नपाएपछि चिन्तित बनेका छन् ।

Leave a Reply

Your email address will not be published. Required fields are marked *