सरकारले चालु आरोहण सिजनमा सगरमाथाबाट मात्रै १ अर्ब १ करोडभन्दा बढी रोयल्टी संकलन गरेको छ। पर्यटन विभागका अनुसार ४७ समूहका ४६४ आरोहीले सगरमाथा आरोहणको अनुमति लिएका छन्।
यस सिजनमा २९ हिमालमा कुल १ हजार ७२ आरोहीले अनुमति पाएका छन्, जसबाट सरकारले करिब १ अर्ब १७ करोड रुपैयाँ रोयल्टी उठाएको छ। शुल्क वृद्धि भएपछि यस वर्ष राजस्व बढेको हो।
ल्होत्सेमा १ सय ११ र अमादब्लममा १ सय ४ आरोहीले अनुमति लिएका छन्। कुल ७९ देशका आरोही नेपाल आएका छन्, जसमा चीन, अमेरिका, बेलायत र रुस प्रमुख छन्।
