काठमाडौँ, २३ चैत — वन तथा वातावरण मन्त्रालयले कञ्चनपुर र बर्दियाबाट १८ वटा कृष्णसार चितवनको टिकौली क्षेत्रमा स्थानान्तरण गर्ने निर्णय गरेको छ। स्थानान्तरण गरिनेमध्ये ६ भाले र १२ पोथी रहेका छन्। लोपोन्मुख प्रजातिको संरक्षण र संख्या वृद्धि गर्ने उद्देश्यले २० हेक्टर क्षेत्रमा घेराबारसहित आवश्यक पूर्वाधार निर्माण गरी सुरक्षित आवास तयार पारिनेछ। मन्त्रालयका अनुसार प्रभावकारी संरक्षणका कारण नेपालमा कृष्णसारको संख्या हाल ५०० भन्दा बढी पुगेको छ।