काठमाण्डौ २० असोज
नेपालमा हिजो ११ सय ३३ जना कोरोना भाइरस (कोभिड—१९) संक्रमणबाट निको भएका छन् ।
संक्रमितको अनुपातमा निको हुनेको संख्या कम भएपनि संक्रमणबाट निको हुनेहरु दिनँहु बढिरहेका छन् । देशभरमा अहिले सम्म ६५ हजार २ सय २ जना निको भइसकेका छन् । यस्तै हिजो २४ सय ४० जना नयाँ संक्रमित थपिएका छन् । १३ हजार ७ सय ८१ पीसीआर परीक्षण भएकोमा ९ सय ३७ महिला र १५ सय ३ जना पुरुष थपिएका हुन । योसँगै नेपालमा कुल संक्रमितको संख्या ८९ हजार दुईसय ६३ पुगेको छ । यद्यपी सक्रिय संक्रमितको संख्या २३ हजार ५ सय ७ छ । अहिले २ सय ३३ जना आइसियु र ४३ जना भेन्टिलेटरमा उपचाररत छन । संक्रमणबाट हिजो थप १९ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार ५ महिला र १४ जना पुरुषको कोरोनाबाट मृत्यु भएको हो । योसँगै नेपालमा कोरोनाबाट मृत्यु हुनेको संख्या ५ सय ५४ पुगेको छ ।
