काठमाडौं, २ चैत – नागार्जुन नगरपालिका–८ बाट हुन्डी र अभौतिक मुद्राको कारोबारमा संलग्न सागर गिरी (२८) र प्रमोद प्रसाद धिताल (२८)लाई प्रहरीले १ करोड १६ लाख नगदसहित पक्राउ गरेको छ।

जिल्ला प्रहरी परिसर काठमाडौंका अनुसार, उनीहरूको साथबाट बैंक चेक, एटीएम, नागरिकता, सवारी साधन, मोबाइल, सिमकार्ड र कम्प्युटर बरामद गरिएको छ। जिल्ला अदालत काठमाडौंले उनीहरूलाई ५ दिन म्याद थप गरी अनुसन्धान अघि बढाउन अनुमति दिएको छ।