काठमाडौं — विद्युत् नियमन आयोग ले डेडिकेटेड र ट्रंक लाइन महसुल विवादमा उद्योगीको मागदाबी नपुग्ने निर्णय गरेको छ। आयोगले पञ्चकन्या प्लास्टिक र पञ्चकन्या स्टिलका आवेदन सुनुवाइ गर्दै यस्तो निष्कर्ष निकालेको हो।
प्राधिकरणका अनुसार पञ्चकन्या प्लास्टिकले रु २४ लाख ६३ हजार र पञ्चकन्या स्टिलले रु ५२ लाख ११ हजार बक्यौता महसुल तिर्न बाँकी छ। आयोगको निर्णयपछि प्राधिकरणलाई थप महसुल उठाउने मार्ग खुलेको छ। चित्त नबुझे व्यवसायी अदालतमा जाने अधिकार राख्नेछन्।
