काठमाण्डौ — बागलुङको ढोरपाटनमा फैलिएको दादुरा संक्रमण अझै नियन्त्रणमा आउन सकेको छैन।
स्वास्थ्यकर्मी परिचालन गरेर १० देखि १९ वर्ष उमेर समूहका ५,६५६ जनालाई खोप लगाइएको प्रदेश जनस्वास्थ्य कार्यालयले जनाएको छ। छुटेकाहरूलाई चैत ५ गतेसम्म बुर्तिबाङ अस्पतालबाट खोप दिइँदैछ।
हालसम्म ७ जनामा संक्रमण पुष्टि भएको छ भने १०३ जना शंकास्पद बिरामी छन्। संक्रमण नियन्त्रणका लागि विश्व स्वास्थ्य संगठनसहितको टोली ढोरपाटनमा खटिएको छ।
