काठमाडौं — नेपाल पुलिस क्लबले जय ट्रफी क्रिकेटको फाइनलमा त्रिभुवन आर्मी क्लबलाई ४ विकेटले पराजित गर्दै लगातार दोस्रो पटक उपाधि जितेको छ।
पुलिसले आर्मीले दिएको २२७ रनको लक्ष्य तेस्रो दिनको तेस्रो सत्रमा ६ विकेटको क्षतिमा पूरा गरेको हो। राशिद खानले सर्वाधिक ८१ र कुशल भुर्तेलले ५१ रन बनाए। बलिङमा सागर ढकालले ४ विकेट लिए भने करण केसी र ललित राजवंशीले समान ३–३ विकेट लिए।
गत संस्करणमा पनि पुलिसले फाइनलमा आर्मीलाई हराउँदै उपाधि हात पारेको थियो।
