काठमाडौँ – पूर्वन्यायाधीश गौरीबहादुर कार्की नेतृत्वको आयोगले भदौ २४ गते संसद भवनमा भएको आगजनी र तोडफोडको विस्तृत विवरण प्रस्तुत गरेको छ। प्रतिवेदनअनुसार, भीडले प्रहरीबाट हातहतियार लिई संसद भवनमा प्रवेश गरी ४० हजार लिटर क्षमताको डिजेल कन्टेनरमा आगजनी प्रयास गरेको थियो।

आयोगले सुरक्षा चुनौती, भीषण तोडफोड, लुटपाट र प्रहरीको सीमित प्रतिक्रिया उल्लेख गरेको छ। संसद भवनका कार्यालय, ब्यारेक, मेस, सीसीटीभी कक्ष र व्यक्तिगत सामग्रीहरू पूर्ण रूपमा नष्ट भएका थिए। आयोगले प्रदर्शनकारीहरूको अनियन्त्रित व्यवहार, हतियार प्रयोग प्रयास र सुरक्षा व्यवस्थामा कमजोरीलाई विशेष रूपमा औंल्याएको छ।