काठमाडौं — मुम्बई इन्डियन्सले आईपीएल २०२६ का बाँकी खेलका लागि दक्षिण अफ्रिकी स्पिनर केशव महाराजलाई अनुबन्ध गरेको छ।
न्युजिल्यान्डका बलर मिचेल स्यान्टर काँधको चोटका कारण प्रतियोगिताबाट बाहिरिएपछि उनको स्थानमा महाराजलाई टिममा ल्याइएको हो।
महाराजले यसअघि पनि आईपीएल र विभिन्न फ्रेन्चाइज लिगहरू खेलिसकेका अनुभवी खेलाडी हुन्।
जारी सिजनमा कमजोर प्रदर्शन गरिरहेको मुम्बईले हालसम्म सात खेलमा केवल दुई जित मात्र हासिल गरेको छ र अंकतालिकामा नवौँ स्थानमा छ।
