काठमाडौं, जेठ २० — पेट्रोल र डिजेलबाट चल्ने गाडीको आयातमा प्रतिबन्ध लगाएपछि इथियोपियामा विद्युतीय सवारीसाधनको संख्या १ लाख नाघेको छ।
दुई वर्षअघि लागू गरिएको नीतिपछि कर छुट, विद्युतीय सवारी प्रवर्द्धन र इन्धनको बढ्दो लागतका कारण ईभीको प्रयोग उल्लेखनीय रूपमा बढेको हो। हाल देशका कुल सवारीसाधनमध्ये करिब ८ प्रतिशत विद्युतीय छन् भने सन् २०३० सम्म ५ लाख ईभी पुर्याउने लक्ष्य राखिएको छ।
