काठमाडौं – पेट्रोलियम पदार्थको मूल्य बढेपछि सरकारले सार्वजनिक यातायात र ढुवानी सवारीको भाडादर समायोजन गर्ने तयारी थालेको छ।
यातायात व्यवस्था विभाग का अनुसार विशेषज्ञ समितिले अध्ययन प्रतिवेदन बुझाइसकेको छ र त्यसकै आधारमा वैज्ञानिक रूपमा भाडा पुनःनिर्धारण गरिनेछ।
चार वर्षदेखि भाडा समायोजन नभएको भन्दै व्यवसायीहरूले दबाब दिँदै आएका छन्। उनीहरूले इन्धन र विद्युतीय सवारीका लागि फरक भाडा प्रणाली लागू गर्नुपर्ने माग पनि गरेका छन्।
