काठमाडौं । एमाले नेताहरूबाट यौन शोषणमा परेको आरोप लगाउँदै तीन जना महिलाले माइतीघरमा धर्ना सुरु गरेका छन्।
कालिकोटकी जमुना खत्री चैत ८ गतेदेखि धर्नामा छिन् भने बिहीबारदेखि धादिङकी शोभा पाठक र बझाङकी रस्मिला धामी पनि आन्दोलनमा जोडिएका हुन्।
उनीहरूले एमाले नेता महेश बस्नेत, ऐन महर र कर्ण मल्लविरुद्ध आरोप लगाउँदै कारबाही र पक्राउको माग गरेका छन्। मल्ल भने यसअघि नै पक्राउ परेर अनुसन्धानमा छन्, जबकि अन्यमाथिका मुद्दा अदालतमा विचाराधीन छन्।
