काठमाडौँ । चलचित्र ‘लालीबजार’ प्रदर्शन रोक्न माग गर्दै दायर रिटमा सर्वोच्च अदालतले विपक्षीको नाममा कारण देखाऊ आदेश जारी गरेको छ ।
न्यायाधीश शान्तिसिंह थापाको एकल इजलासले अन्तरिम आदेश दिने–नदिने विषयमा छलफलका लागि विपक्षीलाई अदालतमा उपस्थित हुन निर्देशन दिएको हो ।
नेपालगञ्जकी बसन्ती नेपाली वादीले फिल्मको प्रदर्शन रोक्न माग गर्दै रिट दायर गरेकी थिइन् । यसअघि पनि सोही विषयमा रिट दायर भइसकेको थियो, जसमा उच्च अदालत पाटनले आवश्यक कागजात झिकाउने आदेश दिएको थियो ।
