कोशी प्रदेशका निर्माण व्यवसायीहरूले बढ्दो लागत र सामग्री अभावका कारण उद्योग संकटमा परेको भन्दै प्रदेश सरकारसँग हस्तक्षेप माग गरेका छन्।
इन्धन, सिमेन्ट, बिटुमिनलगायत सामग्रीको मूल्यवृद्धि र अभावले धेरै परियोजना प्रभावित भएको उनीहरूको भनाइ छ। मूल्य समायोजन नहुँदा ठेक्का व्यवस्थापनसमेत समस्या भएको व्यवसायीहरूले बताएका छन्।
व्यवसायीहरूले नयाँ मूल्य समायोजन नीति, म्याद थप र राहतको माग गरेका छन् भने प्रदेश सरकारले समस्या समाधानका लागि पहल गर्ने प्रतिबद्धता जनाएको छ।
