काठमाडौं — मौसम पूर्वानुमान महाशाखाका अनुसार हाल नेपालमा पश्चिमी न्यूनचापीय प्रणालीको आंशिक प्रभाव छ। यसले पहाडी र हिमाली भूभागमा बादल लागेको छ र केही स्थानमा चट्याङ्गसहित मध्यम वर्षा वा हिमपात हुने सम्भावना छ।
आज दिउँसो र राति कोशी, लुम्बिनी, कर्णाली र सुदूरपश्चिम प्रदेशका पहाडी भूभागका केही स्थानमा, साथै तराईका केही स्थानमा मध्यम वर्षा हुने सम्भावना रहेको छ। बाँकी भूभागमा आंशिक बादल रहने अनुमान गरिएको छ।
