काठमाडौं — राष्ट्रिय स्वतन्त्र पार्टी (रास्वपा) का धनुषा–१ का उम्मेदवार किशोरी साहले आफ्नो उम्मेदवारी खारेजविरुद्ध दायर गरेको रिटको सुनुवाइ आज सर्वोच्च अदालतमा हुँदैछ।
निर्वाचन आयोगले कर्जा सूचना केन्द्रले कालोसूचीमा राखेको तथ्यका आधारमा साहको उम्मेदवारी चुनाव दुई दिनअघि खारेज गरेको थियो। न्यायाधीश विनोद शर्मा र मेघराज पोखरेलको संयुक्त इजलासमा सुनुवाइ हुने तय भएको छ।
धनुषा–१ मा निर्वाचन परिणाम विवादको बीचमा साहको उम्मेदवारी खारेजी र रिट सुनुवाइमा जनतामा उच्च चासो देखिएको छ।
