मनिला। फिलिपिन्सले ऊर्जा आपूर्ति संकटका कारण राष्ट्रिय आपतकाल घोषणा गरेको छ। राष्ट्रपति फर्डिनान्ड मार्कोस जुनियरका अनुसार पश्चिम एसियाको द्वन्द्वले तेल आपूर्तिमा खतरा पुर्‍याएको छ। आपतकाल एक वर्षसम्म लागू हुनेछ र सरकारले आवश्यक परे अग्रिम भुक्तानीमार्फत इन्धन खरिद गर्न सक्नेछ। हाल देशसँग करिब ४५ दिनको इन्धन मौज्दात छ भने थप भण्डारणका लागि १० लाख ब्यारेल तेल खरिदको तयारी भइरहेको छ।