प्रतिनिधिसभा सदस्य महावीर पुनले आफूले लामो समयदेखि उठाउँदै आएको विज्ञान, प्रविधि तथा नवप्रवर्तन मन्त्रालय गठनको माग पूरा भएको बताएका छन्।
संसदमा उठाएको विषय र प्रधानमन्त्रीलाई बुझाएको लिखित प्रस्तावअनुसार सरकारले छुट्टै मन्त्रालय गठन गरेको भन्दै उनले सरकारलाई धन्यवाद दिएका छन्। साथै उनले मन्त्रालयलाई प्रभावकारी बनाउन वैज्ञानिक र अनुसन्धानकर्ताहरूलाई सहकार्यका लागि आह्वान गरेका छन्।
पुनले सरकारको दीर्घायुको कामना गर्दै आवेगमा नेताहरूलाई दिएको “श्राप” समेत फिर्ता लिएको बताएका छन्।
