काठमाडौं — टेबलर्स र मेडिसिटी अस्पतालबीच एक महत्वपूर्ण सहकार्य (टाइ-अप) सम्पन्न भएको छ। यस सहकार्यले टेबलर्सका सदस्यहरू तथा उनीहरूको परिवारलाई गुणस्तरीय स्वास्थ्य सेवामा सहज पहुँच प्रदान गर्ने विश्वास गरिएको छ।
यस अवसरमा मेडिसिटी अस्पतालका प्रमुख कार्यकारी अधिकृत डा. अमित तोमरप्रति विशेष धन्यवाद व्यक्त गरिएको छ। उहाँले अस्पतालका सेवा, सुविधा तथा भावी योजनाबारे महत्वपूर्ण जानकारी साझा गर्नुभएको थियो।
यस सहकार्यबाट टेबलर्सका सदस्यहरूले स्वास्थ्य सेवामा विशेष सुविधा प्राप्त गर्ने अपेक्षा गरिएको छ। साथै, यसले विभिन्न सामाजिक उत्तरदायित्व (CSR) सम्बन्धी गतिविधिहरूमा सहभागी हुने अवसर समेत सिर्जना गर्ने विश्वास गरिएको छ।
सहकार्य सम्बन्धी थप विस्तृत जानकारी चाँडै सार्वजनिक गरिने जनाइएको छ।
