काठमाडौँ — फेसबुकले लोकप्रिय युट्युब र टिकटक क्रिएटरहरूलाई आकर्षित गर्न क्रिएटर फास्ट ट्र्याक कार्यक्रम ल्याउने तयारी गरेको छ।
कार्यक्रममा सहभागी हुन क्रिएटरसँग कम्तीमा एक लाख फलोअर्स हुनुपर्नेछ र तीन महिनासम्म भुक्तानी प्राप्त हुनेछ। सहभागीले मासिक करिब एक हजार डलर कमाउन सक्नेछन्, भने १० लाख फलोअर्स भएका क्रिएटरले ३ हजार डलरसम्म आम्दानी गर्न सक्नेछन्।
नयाँ कन्टेन्ट अनिवार्य छैन; पुरानो हिट कन्टेन्ट पनि प्राथमिकता पाउनेछ। फेसबुकले यसमार्फत क्रिएटरहरूलाई आफ्नो प्लेटफर्ममा ल्याउने र रिच बढाउने लक्ष्य राखेको छ।
