काठमाडौँ — मध्यपूर्वमा जारी तनाव र युद्धको असरका बाबजुद धेरै नेपाली कामदारले आफ्नो रोजगारी बचाउन खाडी मुलुक यात्रा पुनः सुरु गरेका छन्। कतार, साउदी अरब, युएई, ओमान, बहराइन, जोर्डन, टर्की लगायत केही देशमा श्रम स्वीकृति खुला भइसकेको छ।
घर फर्किएका कामदारहरू जागिर गुम्ने डरका कारण फेरि विदेश जाने तयारीमा छन्।
वैदेशिक रोजगार विभागका अनुसार दैनिक हजारभन्दा बढीले पुनः श्रम स्वीकृति लिइरहेका छन्। सरकारले युद्ध प्रभावित क्षेत्रका लागि सुरक्षा र कामदारको अधिकार सुनिश्चित गर्दै आवश्यक देशमा मात्र श्रम स्वीकृति प्रदान गरेको छ। हाल खाडीमा करिब १७ लाख २९ हजार नेपाली कामदार कार्यरत छन्।
