राष्ट्रपति रामचन्द्र पौडेलले मुलुकको समृद्धि हासिल गर्न सबै पक्षलाई एकजुट भएर काम गर्न आह्वान गरेका छन्। काठमाडौंमा निर्वाचन आयोग नेपालले आयोजित जलपान कार्यक्रममा बोल्दै राष्ट्रपति पौडेलले संघीय लोकतान्त्रिक गणतन्त्रले जनताको जीवनस्तर सुधार्न र मुलुकलाई समृद्ध बनाउनका लागि साझा प्रयास आवश्यक रहेको बताए। उनले जनप्रतिनिधिहरूको काँधमा ठूलो दायित्व आएको र राष्ट्र निर्माणमा सबैको एउटै मत रहेको विश्वास व्यक्त गरे।