स्वास्थ्य तथा जनसङ्ख्या मन्त्रालयले मधेस प्रदेशका विभिन्न अस्पतालहरूको सेवा प्रवाहबारे स्थलगत अनुगमन गर्ने भएको छ। मन्त्रालयले वीरगञ्जस्थित नेसनल मेडिकल कलेजसहित गजेन्द्रनारायण सिंह र नारायणी अस्पतालमा परेका गुनासोको छानबिन गर्न टोली खटाएको हो। टोलीले अस्पताल सेवा सुधार कार्यविधि, २०८२ अनुसार मापदण्ड पालना भए–नभएको जाँच गर्नेछ। अनुगमन प्रतिवेदन सात दिनभित्र पेश गर्न निर्देशन दिइएको छ।