काठमाडौं । स्वास्थ्य तथा जनसंख्या मन्त्रालयले अस्पतालहरूमा रहेका एमआरआई, सिटी स्क्यान, क्याथ ल्याब र पेट सिटी लगायतका उपकरणको अवस्था विवरण १० दिनभित्र पठाउन निर्देशन दिएको छ।
मन्त्रालयले उपकरणहरू सञ्चालनमा छन् वा छैनन् भन्ने जानकारीसहित प्रयोग, गुणस्तर, विकिरण सुरक्षा र प्राविधिक जनशक्ति सम्बन्धी विवरण माग गरेको हो।
देशभरका सरकारी तथा निजी अस्पतालमा यस्तो अध्ययन गरी प्रतिवेदन बुझाउनुपर्ने मन्त्रालयको निर्णयमा उल्लेख छ।
