विराटनगरसहित कोशी प्रदेशका तराई जिल्लामा सिरुवा पर्व उल्लासका साथ मनाइँदैछ। प्रदेश सरकारले वैशाख २ गते सार्वजनिक बिदा घोषणा गरेपछि झापा, मोरङ र सुनसरीका गाउँबस्तीमा उत्साह झन् बढेको छ।
नयाँ वर्षसँगै सुरु हुने तीनदिने यस पर्वमा पहिलो दिन पानी छ्याप्ने, दोस्रो दिन हिलो खेल्ने र तेस्रो दिन रङ खेल्ने परम्परा रहेको छ। विभिन्न आदिवासी समुदायहरूले पूजापाठ, नाचगान र मेलामार्फत पर्व मनाइरहेका छन्।
सिरुवा पर्वले आपसी सद्भाव, प्रकृतिसँगको सम्बन्ध र सामुदायिक एकतालाई मजबुत बनाउने सन्देश दिने विश्वास गरिएको छ।
