काठमाडौँ– सरकारले सवारी चालक अनुमतिपत्र (लाइसेन्स) छपाइ २४ घण्टाभित्रै गर्ने व्यवस्था आजदेखि लागू गरेको छ।
सञ्चार तथा सूचना प्रविधिमन्त्री विक्रम तिमिल्सिनाले काभ्रेको पनौतीस्थित सुरक्षण मुद्रण केन्द्र निरीक्षण गर्दै सेवा छिटो र प्रभावकारी बनाउन निर्देशन दिएका छन्। उनका अनुसार ट्रायल पास र राजस्व तिरेपछि २४ घण्टाभित्र लाइसेन्स उपलब्ध हुनेछ।
सरकारले लामो समयदेखि देखिएको लाइसेन्स अभावको समस्या अन्त्य हुने दाबी गरेको छ। केन्द्रले दैनिक करिब ४० हजार लाइसेन्स छापिरहेको र बाँकी लाखौँ लाइसेन्स छिट्टै वितरण गर्ने लक्ष्य राखिएको छ।
