काठमाडौं । नेपाली कांग्रेसले संसदीय दलको नेता चयन गर्ने निर्वाचन शुक्रबार गर्ने भएको छ।
निर्वाचन कार्यतालिका अनुसार वैशाख ११ गते बिहान ११ देखि १२ बजेसम्म उम्मेदवारी दर्ता हुनेछ भने दिउँसो ४ देखि ५ बजेसम्म मतदान हुने छ।
दलको नेताका लागि अर्जुननरसिंह केसी र भीष्मराज आङ्देम्बे मुख्य दाबेदारका रूपमा चर्चामा छन्। मोहन आचार्य र निश्कल राईको नामसमेत अघि सारिएको छ।
प्रतिनिधिसभामा कांग्रेसका ३८ सांसद रहेका छन्।
