काठमाडौंको मनोहरा बस्ती हटाउने क्रममा चर्चसमेत भत्काइएपछि क्रिस्चियन धर्मावलम्बीहरूले आपत्ति जनाएका छन्।
चर्चका प्रतिनिधिहरूले धार्मिक संरचना हटाउँदा वैकल्पिक स्थान नदिइएको भन्दै असन्तुष्टि व्यक्त गरेका छन्। उनीहरूले करिब ३०० जना नियमित आउने चर्चलाई अन्यत्र स्थानान्तरण गर्न माग गरेका छन्।
सरकारी अभियानले अतिक्रमित संरचना हटाइएको भए पनि धार्मिक स्थलको व्यवस्थापनबारे छलफल नभएको उनीहरूको भनाइ छ। चर्च पक्षले तत्काल उपयुक्त व्यवस्था नभए समुदाय प्रभावित हुने चेतावनी दिएको छ।
