जिल्ला अदालत सर्लाहीले रामबहादुर बमजनलाई सम्पत्ति शुद्धीकरण मुद्दामा सफाइ दिएको छ। न्यायाधीश महेन्द्रराज काफ्लेको इजलासले सरकारी वकिलको दाबी प्रमाणित नभएको ठहर गर्दै उनलाई निर्दोष ठहर गरेको हो।

बमजनविरुद्ध ८ करोड ५९ लाख रुपैयाँ बिगो दाबी गरिएको थियो। उनी यसअघि पूर्पक्षका लागि थुनामा रहेका थिए।

तर उनीविरुद्धको बाल यौन दुरुपयोगसम्बन्धी अर्को मुद्दा भने सर्वोच्च अदालतमा विचाराधीन रहेको छ।