काठमाडौं — आगामी जेठ ८ गतेदेखि सुरु हुने काभा महिला भलिबल च्याम्पियनसिपमा नेपाल पोल ‘ए’मा परेको छ।
नेपालले समूह चरणमा भारत, कीर्गिस्तान र माल्दिभ्ससँग प्रतिस्पर्धा गर्नेछ। प्रतियोगिताको पोल ‘बी’मा इरान, काजाकस्तान, श्रीलंका र बंगलादेश रहेका छन्।
नेपालले पहिलो खेल भारतसँग जेठ ८ गते त्रिपुरेश्वरस्थित कभर्ड हलमा खेल्नेछ। प्रतियोगिता लिग कम नकआउट प्रणालीमा सञ्चालन हुनेछ र शीर्ष दुई टोली सेमिफाइनल पुग्नेछन्।
