काठमाडौं — राष्ट्रिय विपद् जोखिम न्यूनीकरण तथा व्यवस्थापन प्राधिकरणले जोखिमयुक्त सडकमा सवारी आवागमन रोक्न जिल्ला प्रशासन कार्यालयहरूलाई निर्देशन दिएको छ।
प्राधिकरणले बन्द गरिएको सडकमा प्रवेश गर्ने चालक र सवारीधनीमाथि कारबाही गर्न पनि आग्रह गरेको छ।
काभ्रेको रोशी खोलामा पानीको सतह बढ्दा केही सवारी फसेपछि ८९ यात्रुको सकुशल उद्धार गरिएको घटनापछि यस्तो निर्देशन जारी गरिएको हो।
मौसम पूर्वानुमान र चेतावनीको पालना गर्न समेत सर्वसाधारणलाई अनुरोध गरिएको छ।
