काठमाडौं ।परराष्ट्रमन्त्री शिशिर खनालले स्थानीय तहहरू अल्पकालीन राजनीतिभन्दा दीर्घकालीन विकास योजनामा केन्द्रित हुनुपर्ने बताएका छन्।
टोखा नगरपालिकाको कार्यक्रममा उनले व्यवस्थित शहरी विकास, पर्यटन प्रवर्द्धन र डिजिटल सेवा विस्तारमा जोड दिए। टोखा–छहरे सुरुङ मार्ग विस्तार गर्दा स्थानीय बस्तीमा असर नपर्ने विकल्प खोज्नुपर्ने पनि उनले बताए।
मन्त्री खनालले साङ्ला र विष्णुमती करिडोरलाई वैकल्पिक मार्गका रूपमा विकास गर्न सुझाव दिएका छन्।
