विराटनगर । कोशी प्रदेश खेलकुद विकास बोर्डको सदस्यसचिव पदमा विप्लव घोषलाई नियुक्त गर्ने तयारी भइरहेको छ । सत्ता साझेदार एमाले र कांग्रेसबीच उनको नाममा सहमति नजिक पुगेको स्रोतले जनाएको छ ।
घोष यसअघि सामाजिक सञ्जालमा चरित्रहत्या सम्बन्धी विवादमा प्रहरी नियन्त्रणमा परेका व्यक्ति हुन्, जसले उनको नियुक्तिप्रति प्रश्न उठेको छ ।
बोर्ड सात महिनादेखि सदस्यसचिवविहीन छ भने राजनीतिक भागबन्डा र कानुनी विवादका कारण नियुक्ति ढिलो हुँदै आएको हो । यसपटक अध्यादेशमार्फत संरचना परिवर्तन गरी नियुक्ति प्रक्रिया अघि बढाइएको छ ।
