काठमाडौं । एसियन गेम्स महिला क्रिकेट छनोटमा नेपालले चीनलाई १९ रनले पराजित गर्दै प्रतियोगितामा सुखद सुरुआत गरेको छ।
मलेसियाको बायोमास ओभलमा पहिले ब्याटिङ गरेको नेपालले २० ओभरमा ५ विकेट गुमाएर १२५ रन बनाएको थियो। जवाफी ब्याटिङमा चीनले निर्धारित ओभर खेल्दै ५ विकेट गुमाएर १०६ रन मात्र बनाउन सक्यो।
नेपालका लागि पूजा महतोले ६३ रनको उत्कृष्ट इनिङ खेलिन् भने रुवी पोदार २२ रनमा अविजित रहिन्। जितसँगै नेपालले समूह ‘बी’ मा २ अंक जोडेको छ।
