काठमाडौं । अन्तर्राष्ट्रिय आणविक ऊर्जा एजेन्सी (आईएईए)ले इरानका प्रमुख परमाणु केन्द्रहरूको निरीक्षण गर्न नसकिएको भन्दै गम्भीर चिन्ता व्यक्त गरेको छ।
एजेन्सीले इरानको सम्वर्धित युरेनियम भण्डारको अवस्था र स्थानबारे स्पष्ट जानकारी नभएको जनाएको छ। आईएईएका अनुसार इरानसँग ६० प्रतिशतसम्म सम्वर्धित ४४०.९ किलोग्राम युरेनियम मौज्दात रहेको अनुमान गरिएको छ, जसले अन्तर्राष्ट्रिय समुदायको चासो थप बढाएको छ।
