इलाम: सूर्योदय नगरपालिका–१ गोर्खे बजारमा सुत्केरी हुन लागेको गाईलाई अज्ञात व्यक्तिले निर्ममतापूर्वक हत्या गरेका छन्।
स्थानीय दीपेश मोदीको गोठमा बाँधिएको गाईको घाँटी र टाउकोमा गम्भीर चोटसहित मृत अवस्थामा फेला परेको प्रहरीले जनाएको छ। अन्य पशु सुरक्षित रहे पनि गर्भवती गाई मात्र लक्षित गरिनुले घटना रहस्यमय बनेको छ।
प्रहरीले अनुसन्धान सुरु गरेको छ भने सामाजिक सञ्जालमा दोषीलाई कडा कारबाहीको माग तीव्र बनेको छ।
