१९ चैत, काठमाडौं – नेपाली कांग्रेसका सांसद भीष्मराज आङ्देम्बेले प्रतिनिधि सभाको पहिलो बैठकमा विगत ३५ वर्षमा देशमा ‘केही पनि भएन’ भन्ने धारणा गलत रहेको भन्दै पुराना उपलब्धिहरू प्रस्तुत गरे। उनले १० वर्षे द्वन्द्व, भूकम्प र कोरोना महामारी जस्ता संकटका बाबजुद प्रगति भएको दाबी गरे। साथै, संसद भवन र सिंहदरबार जलाउने घटनाको अनुसन्धानप्रति गम्भीर आशंका व्यक्त गर्दै जाँचबुझ आयोगको प्रतिवेदन सार्वजनिक गर्न सरकारको ध्यानाकर्षण गराए। आङ्देम्बेले कांग्रेसले रचनात्मक काममा साथ दिने र संविधान र नागरिकको अपेक्षाविपरीत काम भएमा प्रतिपक्षीको हैसियतमा खरो उत्रिने चेतावनी दिए।