विराटनगर । सम्पत्ति छानबिन आयोगको निर्देशनपछि कोसी प्रदेश सरकारले वर्तमान तथा पूर्व पदाधिकारी र उच्च तहका कर्मचारीहरूको सम्पत्ति विवरण माग गरेको छ।
मुख्यमन्त्री तथा मन्त्रिपरिषद्को कार्यालयले मन्त्रालय, आयोग, सचिवालय तथा अन्य निकायलाई सम्बन्धित व्यक्तिहरूको नामावली र सम्पत्ति विवरण उपलब्ध गराउन परिपत्र जारी गरेको हो।
प्रदेश स्थापना भएयता सार्वजनिक पदमा रहेका निर्वाचित, मनोनीत र नियुक्त पदाधिकारी तथा उच्च तहका कर्मचारीहरूको सम्पत्ति विवरण संकलन गरी छानबिन गर्ने उद्देश्यले यो प्रक्रिया अघि बढाइएको जनाइएको छ।
