कानुन, न्याय तथा संसदीय मामिला मन्त्री सोविता गौतमले बलात्कार, यौन हिंसा र बालबालिकासम्बन्धी जघन्य अपराधमा कडा सजाय सुनिश्चित गर्न कानुन संशोधनको तयारी भइरहेको बताएकी छन्।
सरकारले कानुनी कमजोरी र छिद्र पहिचान गर्न बनेको कार्यदलको प्रतिवेदनका आधारमा आगामी संसद् अधिवेशनमा संशोधन विधेयक ल्याउने जनाएको छ। दोषी उम्कन नपाउने व्यवस्था गर्न आवश्यक गृहकार्य भइरहेको मन्त्री गौतमको भनाइ छ।
