काठमाडौं — बागमती र सहायक नदी किनारका जोखिमयुक्त क्षेत्रमा बसोबास हटाउने अभियानअन्तर्गत हालसम्म करिब ७ हजार ७ सयभन्दा बढी सुकुमबासी सम्पर्कमा आएका छन्।
प्रधानमन्त्री सचिवालयका अनुसार १ हजार ८१६ परिवारका ७,७८९ जना सम्पर्कमा आएका हुन्। तीमध्ये ७९४ जनालाई चार विभिन्न होल्डिङ सेन्टरमा स्थानान्तरण गरिएको छ।
सरकारले कीर्तिपुर, नयाँ बसपार्क–माछापोखरी क्षेत्र, भक्तपुर र बोडेसहितका स्थानमा अस्थायी व्यवस्थापन गरेको छ। केही व्यक्तिहरू भने आफ्नै व्यवस्था गरेर बाहिरिएको बताइएको छ।
