अमेरिकी राष्ट्रपति डोनल्ड ट्रम्पले इरानले पेश गरेको पछिल्लो कूटनीतिक प्रस्ताव अस्वीकार गर्ने संकेत गरेका छन्।
इरानले होर्मुज जलमार्ग पुनः खोल्ने र अमेरिकी नाकाबन्दी हटाउने प्रस्ताव राखे पनि अमेरिकाले आणविक संवर्धन र युरेनियम भण्डारणको विषय सम्बोधन नभएसम्म कुनै सम्झौता नहुने अडान दोहोर्याएको छ।
यसैबीच इरानी विदेशमन्त्री अब्बास अराघचीले मस्कोमा रुसी राष्ट्रपति भ्लादिमिर पुटिनसँग मध्यपूर्व तनावबारे छलफल गरेका छन्। पाकिस्तानले मध्यस्थता गर्दै दुवै पक्षबीच संवाद अघि बढाइरहेको छ।
तर दुवै देशबीच ठोस सहमति नजुट्दा मध्यपूर्वको तनाव कायमै रहेको छ।
